Friday, December 5, 2014
သွေးတစက်စက်
လှော်ခတ်သံတွေ
မင်းတြားတို့လက်မှာ
တဖြတ်ဖြတ်တလတ်လတ်
သံလျှပ်တို့ရဲ့ရာဇ၀င်မှာ
တောင်သမာန် ငိုခဲ့ဘူးတယ်..
အဲဒီနန်းဆောင်မှာ
ဆွံ့အခြင်းတွေနဲ့
ဆွံ့အစွာနေဖို့
ဆွံ့အခြင်းအကြောင်းတွေကို
ဆွံ့အခဲ့ကြဘူးတယ်..
အဲဒီနန်းဆောင်မှာ
နေရောင်မမြင်တဲ့
အမှောင်အထပ်ထပ်
အမိန့်တွေကြေမွ
တော်မ၀င်တဲ့ပန်းတစ်ပွင့်
ကြွေလွင့်ခဲ့ဘူးတယ်..
အဲဒီနန်းဆောင်မှာ
အခန့်မသင့်ရင်
ကဗျာတစ်ပုဒ်ကိုအကျဉ်းချဖို့
လက်မရွံ့တပ်သားတွေ
ရှိခဲ့ဘူးတယ်..
အဲဒီနန်းဆောင်မှာ
ဘောင်မ၀င်တဲ့
ရင်ခုန်သံစည်းချက်တွေ
တခမ်းတနား
ကွပ်မျက်ခံရဘူးတယ်..
အဲဒီနန်းဆောင်မှာ
အလင်းလက်ဆုံးမှေးမှိန်တာတောင်
သံလျှက်ကိုက ၀ံ့ကြွားလွန်းတယ်
အစ်ကိုတော်(မောင်ဖေငယ်)
အဲဒီနန်းဆောင်မှာပဲ
ရှိပါစေတော့..။
သံလျှက်ကိုက ၀ံ့ကြွားလွန်းတယ်
အစ်မတော်(ဒိုင်းခင်ခင်)
အဲ့ဒီနန်းဆောင်မှာပဲ
ရှိပါစေတော့..။
ဒီလွမ်းနောင်
0 Comments:
Subscribe to:
Post Comments (Atom)