ဒီလွမ်းနောင်

ခရေဖူးတွေ ခူးခူးပြန်တတ်တဲ့
အရူးမလေးကိုမြင်မိတိုင်း
နိုင်မြစ်ဝှမ်းမှာ
ငါ..ဇာဘုရင်လာမလုပ်ချင်ဘူး..

ပိရမစ်တွေရယ်
တခဏလေးမြိုသိပ်ပေးပါ
ဒီလက်ပံပွင့်ဝေတွေ
အရူးမလေးကောက်သွားပါစေ..

မီးခိုးမြူတွေ တလူလူဝေ့နေတဲ့
မြစ်ဝှမ်းတို့ရေ..
ညှင်သာနူးညံ့တဲ့
တောတန်းလေးတစ်ခုလောက်
အဲဒီ အရူးမလေးကို
ဖြတ်သန်းစီးဆင်းပေးစမ်းပါ..

ဆွတ်ပျံ့အုံ့မှိုင်းတာချင်းအတူတူ
ခနော်ခနဲ့အိမ်အိုလေးရဲ့
ဒယီးဒယိုင်အလွမ်းပျိုတွေ
ငါ့အရူးမလေးကို
ကလူကျီစယ် မပြုလိုက်ပါနဲ့..

ငါတို့ကတိအတိုင်း
ဖြူစင်တဲ့ဇလပ်ပန်းတို့ထံ
နေမ၀င်ခင်သွားရဦးမယ်

ရှိသမျှ လေပြေနုတွေအားလုံးတို့ရယ်...

ဇလပ်ပန်းတွေလိုဖြူစင်လွန်းတဲ့
အရူးမလေးသူမအတွက်
ဖြန့်..ကျက်..တိုက်..ခတ်..ပေး..ကြ..ပါ။
   
                          ဒီလွမ်းနောင်

သတိရပါရဲ့ ဧကရီ
နင့်လိုဖြူစင်တဲ့တောင်ဇလပ်ပန်းတွေ
နမ်းသူမဲ့ကမ်းပါးယံမှာ
တောင်စဉ်ရေမရ ပြန်လာပွင့်နေတယ်
တခါတခါ နင့်လိုဖြူစင်လိုက်ချင်တယ်..

နင်မငိုပါနဲ့ ဧကရီ
တဆင့်စကားတဆင့်နားနဲ့
နင့်မျက်ရည်သံ ခပ်တိုးတိုးလေး
ငါကြားမိမှာစိုးလို့ပါ..

ထားခဲ့လိုက်ပါ ဧကရီ
နင်မြင်လိုက်တဲ့ အလင်းဖျော့က
လှိုင်းလေးကိုမှ အဖော်ပြုရတဲ့
မီးပြတိုက်ပါ..

ဝေးပစ်လိုက်ပါ ဧကရီ
တိမ်ခိုးညိုတွေ ခြေရာပျောက်တဲ့အထိ
ဝေးပစ်ခဲ့ပါ..
နင့်ရင်ခွင် ပင်လယ်ပြင်
ခပ်ကျဲကျဲ အလွမ်းတွေထဲ
ငါ..
လက်ပစ်မကူးရဲလို့ပါ..

ငါမပြောချင်ဘူး ဧကရီ
နင့်ကိုငါလွမ်းပါတယ် ဧကရီ
နင့်ကိုငါသိပ်ချစ်ပါတယ် ဧကရီ..

တော်ပြီဟာ
ငါမရေးချင်ဘူး ဧကရီ
ကွဲအက်သံတွေ ဆို့နင့်နေတဲ့
နင့်ကဗျာငယ် ခပ်ဆွေးဆွေးမှာ
ငါမှော်ကဝေပြန်မဖြစ်ချင်လို့ပါ..။

                         ဒီလွမ်းနောင်